Thlangamna Mun Biateram

Ei vangkhua thlangamna mun Biateram;
Chung Khuanu thatna ei dongna ram.
Khuanun ram itha ane lei pek,
Ei damlai vangkhuasakna rang pial.

(Chorus)
Chung Khuanu thativur ram hi
Nang neh keiman donsui eiti.
Hi ram thatna zar izoin
Khuanu thatna inpuang eiti.

O 'tunlai ei ram dingmun ei tlirin;
Nang neh keiman ei veng inzokim?
Ei ram hin ei lungthlung ripekna;
Ei tlomngai sinthona ane ngen.

Intakna Buainahei ei tong khomin;
Mophurtu chu ei nit ti irian;
Thatvur chanthatna ichan no min,
Ei sintum seng chu rian sin eila.

Chi suanpar hei vangkhua sakna rang ram,
Nang neh keiman sin siam ei ti u.
Thilsiamtin hei ihoih inzoka,
Dikna-felna choiin 'ding ei ti.